كثير من الأشخاص يسألوني عن الجرافيك ديزاين كتخصص ومستقبل وظيفي. وفي بالمجتمع الكثير من الأفكار المغلوطة عنه. اللي يقولك هو مجرد هواية واللي يقول طقطقة عالفوتوشوب واللي يقول نفهمه بكورس وطبعاً هذا الكلام كله ماله أساس من الصحة.
التصميم الجرافيكي، أو تصيميم الوسائط المتعددة والمطبوعات، هو أحد فروع الديزاين يعني السنوات الأولى من دراسته تتضمن تاريخ الفن وأساسياته كعلم وكطريقة في التفكير.
سنة أولى على سبيل المثال ناخذ elements of design الخط، الشكل، اللون وهكذا.. أخذنا مفاهيم التصميم من تجريد abstract وكيف ممكن نستلهم الأفكار ونكون مبدعين، والمواد العامة من انجليزي وفيزيا ورياضيات وكذا
الجرافيك ديزاين هو فن، والفن مجالاته مالها حصر، الجرافيك ديزاين هو visual communication أي طريقة لتوصيل المعلومة عن طريق شي مرسوم أو مكتوب.
مجالات التخصص تشمل: الباكجنق اللي هو تصميم المنتجات والانفوجرافيكس اللي هي عرض مجموعة من المعلومات بطريقة مرسومة ومبسطة، ويشمل التايبوغرافي؛ اللي هو عالم الخط الواسع. برضو يدخل ضمنه تصميم المنشورات والكتب من الغلاف إلى الصفحات الي داخل.
المجال اللي في تحدّي كبير وبالنسبة لي ممتع جداً هو advertising اللي هو عبارة عن تسويق أو دعاية وإعلان للمنتجات أو الأفكار. وطبعاً يدخل ضمن الجرافيك تصميم الهويات والشعارات اللي هو أول شي يطرأ ببالك لمن تسمع عن هذا لتخصص.
للأسف كثير من الناس تحصر الجرافيك ديزاين بتصميم الشعارات لان أغلب طلب السوق كذا بس المجال أوسع بكثير جداً. تصميم الشعارات هو أحد فروعه لكن لايعبّر عنه تماماً.
الجرافيك ديزاين يعتمد عالتجارب كثير والملاحظة، قد ماتجرب طرق وألوان وخامات قد ما تتطور مهاراتك في التعبير عن الفكرة.
الرسم جزء مهم من الجرافيك، رسم الأفكار، رسم الخطوط، رسم الشخصيات، قد ما تكون عندك مهارات عالية في هالمجال قد ما يساعدك هالشي تبدع. لكن ما يعني اذا انت ماتعرف ترسم إنك فاشل في هالمجال، لكنّها مهارة مطلوبة أكيد وقابلة للتعلم
بالنسبة للمواد اللي ندرسها، في المواد النظرية؛ تاريخ الفن والطباعة وفي البرامج؛ فوتو شوب، اليستريتور، أدوبي ان ديزاين وبرامج الثري دي. وفي مادة الديزاين الأساسية اللي تأخذ أكبر عدد ساعات بين المواد"الاستديو" ونأخذ مواد عملية وهي النسبة الأكبر بين موادنا؛ photography, illustration, typography, publication, production, branding وهيك شي ..
التخصص زي أي مجال تصميم، يأخذ منك حياتك، عشان تبدع لازم تعطيه كل وقتك وجهدك، عشان تطلع معاي أفكار أحياناً تضطر تفكر تفكر وتفكر وأكيد تبحث، مهارات البحث شي مهم جداً بعد، المراجع اللي تجمعها هي اللي تعطي تصميمك قوّة.
ويعتمد على شخصيتك من تقبّل النقد وتحمّل الضغط لأن مؤ كل شي بتسويه بيكون جيّد وقد ما تغلط قد ماتتعلم. القسم من الأقسام العملية، يعني لازم تودّع كثير من الزيارات والطلعات وفي ناس ماتتحمل كذا! الشي الأكيد إِنَّك قبل التخصص وبعده مستحيل حتكون نفس الشخص، وحياتك رح تتغيّر لأنو يفرض عليك أسلوب حياة ياتتكيّف معاه ياتسحب نفسك أفضل. طريقتك في التفكير، نظرتك للأشياء، المصمم مستحيل يكون شخص عادي في أي شي يسويه، طبعاً المصمم الصح -.-
أتكلم عن جامعة الدمام، التخصص لسه جديد وأول دفعة هالسنة بإذن الله تخرج، القسم قاعد يتطوّر جداً وبشكل سريع ولله الحمد وأشوف الدفعات الجديدة قاعدة تتعلم بطريقة مختلفة عننا من حيث المواد وأسلوب التدريس، وهذا شي جيّد جداً، عمادة القسم عندنا جداً متفهمين وأعدادنا قليلة. مبنانا حالته حالة بس يقولون يقولون بنغيّره ؛p
بما انو السوق يفتقد للسعوديين والمتخصصين في هذا المجال إلا من رحم ربّي، أغلب اللي موجودين متعلمين من أنفسهم وتشوف تخصصاتهم أو شهاداتهم مختلفة تماماً عن وظيفتهم. هذا مايعني إنهم سيئين، بس أكيد الشخص اللي درس جرافيك ديزاين لأربع سنوات في الكلية غير الشخص اللي تعلمه من نفسه :)
بعد الدراسة الوظيفة مطلوبة جداً ولو ان الشركات الموجودة لك عليها من حيث البيئة هذا غير أن بعضهم لسه مايعرف أهمية هذا القسم ولا يعرف قد ايش يحتاجه. وحقوق المصممين مسلوبة للأسف على عكس برا :"(
عموماً الجرافيك مجال له قدرة كبيرة على التأثير في الناس وهذي نقطة قوة ممكن تأثر على أشياء كثيرة من ناحية قوّة الشراء أو حتى الأفكار التوعوية والاجتماعية المنتشرة. ممكن تشتغل مصمم مطبوعات من إعلانات وبطاقات أعمال وكذا، ممكن يكون عملك في جريدة أو دار نشر، ممكن تكون مسؤول عن الانفوجرافيكس لشركة معينة، ممكن تشتغل ضمن فريق الادڤرتايزنق أو في تصميم الشخصيات الكرتونية أو كرسام ديجتال والمجال واسع جداً
أتمنى أكون غطيت أكبر قد من التساؤلات وإذا في أي استفسار آخر لاتترددون أبداً :)
ليست هناك تعليقات:
إرسال تعليق